قصيده هزت كل من قرءها وسمعها

[فـــارس الجنـــوب]

للاستمـــــــــاع

http://www.movn.net/Fahd_al_De7anY/YaBoY.ram


يابوي ليتك حيّ وتشوف حالي
تشوف وش هو صار من بعد فرقاك


صار الوطن بعدك من الناس خالي
صار... ( الوطن غربه ) بعد مافقدناك


يابوي أنا بعدّك سهير الليالي
مقهور من دنيّاي منّا.... ومنّاك !


حدتني الدنيا وأنا راس مالي
إني ... عزيز النفس . مثلك وشرواك


مافيه شيٍ في حياتي صفالي
حتى . الورود . إن جيتها صارت أشواك


أطيح واحمولي عليّه إثقالي
وأتخيلك مديت لي كف , يمناك


بعدّك ولامره ترى إرتاح بالي
أصفّق على كفي ندم وآتحراك


من ضيقتي ياكّم أصّدق خيالي
وأقوم أدوّر عنّك وآقول ب القاك


أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟


أدري لو إنك حي ياعز غالي
يمديك.. تفزع قبل.. ماجيك وانخاك !!


ويلاه , ياحالي وماهو جرالي
ويلاه , ياقلبٍ تعذب في طرياك


ويلاه , يابويّه من اول وتالي
لا...... والله.. أول.. كان.. ينجيني إدعاك


واليوم من بعدك وش اللي بقالي
غير إني أدعي ربي يغفر خطاياك


يالله حطّه وسط منزال عالي
في جنة الفردوس يارب الافلاك


واغفر ذنوبه ياعزيز الجلالي
وشرح لي صدرٍ ضااااااااااااق من جّور دنياك


الله يرحمك ويصبرني على فراقك
والله يخلي ابائكم وامهاتكم لكم يارب
والله الدنيا من غيرهم ما تسوى ولا شيء


دمتم بسعـــــاده تشرق بايامكم كما شمس الوجــــود

[ظفير 10]

قصيدة مؤثرة

.. فقد الوالدين ( أحدهما أو كليهما ) مصيبة

نسأل الله أن يحفظ الجميع.

.. نشكرك على اختيارك * فارس.

[فـــارس الجنـــوب]

«®°·.¸.•°°·.¸¸.•°°·.¸.•°®»الراقي /ظفير 10«®°·.¸.•°°·.¸¸.•°°·.¸.•°®»
شكرا من صميم قلبي

[عبدالحميد عبدالله حامد]

قصيدة رائعة ومؤثرة وتستحق عليها الشكر

[MeZoO]

اللهم احفظ آبائنا وأطل أعمارهم..

قصيدة مؤثرة..

شكرا من كل قلبي..

وإلى الأمام..

[www.com]

خساره مافتحت معي
لكني قرأتها في مشاركتك


مشكور وجزاك الله خير

[عبدالله]

اللهم ارحم والدينا كما ربونا صغارا
و لاتحرمنا منهم
مشكور فارس الجنوب

[احمد عبدالله ابوملحه]

رائعه تستحق التمعن والتفكير

شكرا فارس الجنوب على جميل إختيارك

اللهم أغفر لوالدينا

[عبدالله علي بن سعيد]

مشكور اخى فارس الجنوب

على طرح هذه القصيدة المؤثرة

رحم الله والدي وجميع موتى المسلمين

بارك الله فيك وننتظر منك المزيد

[تـرفـه]

الله يرحـــــــــــــــــــــــم اموات المسلمين ويعطيك العافيه على قصيده الحزينه

[فـــارس الجنـــوب]

كل الشكر والتقدير والاحترام
لمن حضر وسطر الحرف الكريم في متصفحي
من الأعماق أقولها لكم ... أسعدني حضوركم الجميل
وهذه الطلة الراقية ...
والتي دائماً ما أنتظرها عند عتبات كل موضوع جديد ينثره قلمي
فلكم مني كل التقدير والحب..