تحذير الى اصحاب الجولات بكاميرا ؟؟؟؟؟؟؟؟

[فهد آل مجثل]

السلام عليكم ورحمه الله وبركاته

بسم الله الرحمن الرحيم


حبيت انقل لكم مو ضوع مهم وهو الجوالات الكاميرا

واليكم الموضوع .........

كل الي معاهم جوالات بكاميرا ... ومصور فيها اهله او خواته او بناته .... او البنات الي يصورون بعضهم بجوال الكاميرا خاصة في المناسبات العائلية الصغيرة يعني اقارب عيال عم او غيره .. وبعده يمسحون الصور من الجوال .. ترا ما تنمسح نهائيا !!!
وفعـــــــــــــــــــــــــــــــــــــلا هذا الي صار معاي .. انا معي جوال نو كيا 6600 وفجئه اشوف شاشة الجوال والقى كلام بالانجليزي وفيه كلمة ERR يعني بالعربي خربان .. فقلت اروح لمحل زميلي عنده محل جوال في مجمع كبير ... وقلتله يافلان وش السالفة قال جوالك يبغاله اعادة تهيئه يعني سفت وير من جديد يعني بيحملي اصدار الباندا من جديد ... قلتله الله يخليك الا الارقام ما حفضتها لا بذاكره ولا غيره .. فقالي لا يهمك احاول اسحبها لك ...المهم حط جوالي بتوصيلات عنده موصله بجهاز الكمبيوتر .. وبعد نصف ساعه حملي اصدار الباندا الجديد وقالي خذ رجعت لك الارقام ما خليتها تروح مع التهيئة .. وحمدت ربي .. لكن تفاجأت لمن رحت للقائمة ورحت للاستديو .... حصلت الصور الي انا مصور به عيال اختي في البر العيد الماضي والله صور كثيرة فوق الاربعين صورة .. وانا كنت ما سحها من زمان ولا بقيت ولا صورة بالجهاز .... اندهشت وقلت له هذي الصور انا ما سحها قال ايه مو قلت لك ما ني مخلي ارقامك تروح قلت له .. الحمدلله ارقامي رجعت بس معقولة الصور ترجع ... قال لي ايه ترجع .. وقالي ياعمي شوف هالمحلات كلهم يحترون بس بنت تجي ومعها جوال الباندا او اي جوال بكاميرا وتبغى له صيانة ينبسطون يقولي والله فلان الي بعد المحل الي جنبنا لاقي صور بجوال وحده له ولخواتها اظهار كلهم حلوين ويشبهون بعض .. ويقول ومصوره نفسه وهي لابسة كذا لبس ..... قلت والله المسكينه الحين بتنتشر صورتها وصورة خواتها بالنت لو نشرها صاحب المحل ....... وقالي غيرهم كثير...........

________________________

فانـــــــــــــــــا اقول نصيحة لكل واحدعنده جوال بكاميرا لا تصور احد من اهلك بالكاميرا نهائي ولو على سبيل الضحك او اختك تبي تشوف وشلون بيطلع شكلها بالصورة وتروح تصورها تــــــــــــــــــــرا فيه ناس ما تخاف الله ........ فنصيحتي اذا بتصور لا تصور الا اطفال اطفـــــــــــــــــــــــــــــــــــــــــا ل وبس ................

=+=+=+=+=+=+==+=+==+=

تحذير لاصحاب الجوالات بنظام السمبيان وبكاميرا

( 3660 و 3650 و 7650 و 6600 )

حبيت أحذركم من هذي الجوالات

أكيد الواحد يبغى يستخدم كاميره الجوال

يصور أهله وقرايبه على سبيل المزح أو على أساس ينقله على CD أو مكان أمين

لكن حتى لو حذفتوها تبقى في الجوال

في ملف لكن بصوره أصغر وحجمها صغير

وتكون في ملف إسمه palbtn_ فلازم إنكم تحذفونها من هذا الملف

والي يبي يشوف الملف ينزل برنامج SeleQ وبيبين عنده .

منقول من منتدى كواكب

[إبراهيم الحمدان]

أهلاً وسهلاً ومرحباً باأخي أبوفيصل
بعد هذا الغياب الطويل ,,,

وهذا الموضوع هو هااااام جدا والله لمافيه
حفظ الأعراض والأسرار ...

وأشكرك على نقله وأسأل الله لك الأجر ,,


وأناااا حقيقة منزعج جداً من هذه الجوالات
وخائف من عواقبها ,, فالآن ستبدأ الإجازة
وتبدأ الزواااجااات والمناااسبااات ,,,

والإنسان يخشى أن يستخدمها أصحاب النفوس
الضعيفه من النساء بتصوير هذه المناسبات
ثم تبدأ الفضيحه بنشر هذه الصور ومن ثم تبدأ
المشاكل ويختلط الحابل بالنابل وتتفكك الأسر

فعلينا الحذر وأخذ الحيطة في ذلك والمطالبة
من أصحاب القصور بوضع مفتشات للنساء
عند دخولهن القصر حتى لاندع الأمر فوضى
ويتشدد بمعاقبة هؤلاء ويحذر من يعمل ذلك
والله ولي التوفيق ,,,,


أخووووكم / أبـــــ*هند*ـــــو

[علي سعيد سعد الحمدان]

شراء أي بنت لجوال الكمرايضع أمام إسمها علامات إستفهام.
والأب أو الزوج أو الأخ الذي يشتري لأهله جوالات الكمرا لايعتقد أنه قدم لهم خدمة أوهدية قيمة فهذه الجوالات التي تحملها بنات مراهقات هي في الحقيقة قنبلة موقوتة قدتنفجر في أي لحظة,فإذاوصلت بعض مشاكل البيوت إلى مرحلة خطيرة ومشاكل كبيرة بوجود هواتف ثابتة,واليوم نرى التساهل في إقتناء الجوالات الخاصة لكل شخص بدون ضوابط أو رقابة,فمابالكم بمن تحمل جوال الكمراتتنقل به من مكان لمكان,وقريباًسيكون هناك تقنيةجوالات الكمرا الفيديو المتحركة التي تصورأكثرمن ساعتين لقطات متحركة ويمكن نقلها وسيكون هناك بعد ذلك سهولة في تناقلها عبر الرسائل وغيرها.
والجديد أيضاًفي هذا المجال أن شركة سامسونج على وشك إصدارجوال يبث أربعين قناة تلفزيونية بث مباشر عبر الأقمار الصناعية لايمكن لأحد مراقبتها.

[فهد آل مجثل]

الى الاخوة الاعزاء ابو هند و ابو رياض
مشكورين على مروركم وتعليقكم على الموضوع .

الكثير منا يعرف مشكلة استخدام بعض الاجهزة لاكن لانبالي به الا بعد وقوع المشكله ومن ثم نقول ياليت
كما ذكرت ابو رياض ( قنبلة موقوتة قدتنفجر في أي لحظة )

[علي سعيد سعد الحمدان]

من المؤسف أن الوعي أياًكان بالنسبة لمجتمعنا السعودي في كثير من الأسر وعي غير منظبط. فنحن لانملك سياسة الوقاية وليست لدينا الحساسية الكافية للأشياء التي تبدأ صغيرة وتنذر بوقوع كوارث إلابعد حدوثها , فإذاحدثت تبدأعلامات الحسرة والندامة والمضحك أنه حتى بعدوقوع المشكلة فإننا نلقي باللوم على غيرنا ولانتجرأبتحمل المسئوولية والنتائج.

[عبدالله طلميس]

--------------------------------------------------------------------------------

لاصحاب الجوالات بنظام السمبيان وبكاميرا ( ت ح ذ ي ر )

السلام عليكم ورحمة الله وبركاته

وصلني عبر الايميل تحذير لأصحاب الجوالات 3660 و 3650 و 7650 و 6600

تحذير لاصحاب الجوالات بنظام السمبيان وبكاميرا

الحين الي يبغى يستخدم كاميرا الجوال

راح يصور .. أهله و قرايبه و ..... الخ على سبيل المزاح

أو انه راح ينقله على CD أو مكان أمين

والبلاء انكم لو حذفتوها تبقى في الجوال في ملف لكن بصوره أصغر وحجمها صغير

وتكون في ملف إسمه palbtn و لازم تحذفون الصور من هذا الملف

والي يبي يشوفه ينزل برنامج SeleQ و راح يبان عنده الملف

مع أرق تحيـــاتي ..

[ولد الشيخ]

السلام عليكم

كيف الحال ؟؟

انا احي اخوي فهد على اهتمامه

ولاكن هاذا الطريقه والله واحد من الشباب سوها قدام يف يالمحل حقه

وانا عندي جوال الباندا 6600 وبعدين هو اعطاني البرنامي الي يرجع الصور

وقلي اذا ابي تبيعه ارسل هاذا البرنام على جوالك وبعدين افتح الجوال بتطلعلك الصور الي انت مسحتها وفي خطوات تسويها وبعدين تحدد الصور الي تبيها وتمسحها نهئيا ولا احد يقدر يرجعها لو كان دكتور جوالات مو مهندس وانا الحين باعطيكم الرابط عشان الي عنده جوالي يسوي الخطوات هاذي وانشاء الله تمسح ولا يخاف اذا باع الجوال ولا راح سواله سفت وير

وهاذا الموضوع الي جاني على الايميل وشكرااااااااااااااااا

ولا تنسونا من الدعاء وجزاكم الله الف خير

-------------------------------------------------------------------------

السلام عليكم ورحمة الله وبركاته

اليوم و انا اتصفح في مواقع الانترنت لقيت منتدى فيه حل لمشكلة الصور المخزنه في الجوال

عشان حقين المحلات ما يرجعون الصور

يعني حذف نهائي

اول شيء حملوا هالبرنامج

http://www.ksayes.com/store/FixSeleQ.zip

اضغط عليه ضغط مو
save target as
لانه ما يفتح اذا ضغطت على
save target as
(بزر اليمين بالفارة)

==================================

بسم الله الرحمن الرحيم
السلام عليكم ورحمة الله وبركاته


كيفكم ياحـلوين


اخواني طبعا انتم سمعتوا عن مشكلة استعادة الصور اللي صايرة في

NOKIA 6600

طبعا يتم استعادة الملفات المحذوفة في اي جهاز كمبيوتر او هارد ديسك خارجي
مثل مانتوا عارفين في اجهزة الحاسب الالي سواء البي سي او اللاب توب
طبعا هذي اخطر من جهاز الجوال لانها ممكن تكون ملفات اكثر واهم من اللي
في الموبايل

عموما ما اطول عليكم انا جبت لكم طريقتين تفيدكم من ناحية عدم الخوف
من الصور اللي صورتوها في جوالاتكم

الطريقة الاولى

اذا كنت استخدمت التصوير وحفظت الصور على الميموري كارد
ومتاكد انك ماحفظت ولا صورة على ذاكرة الجهاز فانت الحين
ماعندك مشاكل وكل اسرارك في الميموري كارد واذا جيت تسوي
صيانة على جوالك خلي الميموري كارد معك ولا راح يصير شئ

الطريقة الثانية

اذا كنت استخدمت التصوير وحفظت الصور على ذاكرة الجهاز
هنا المشكله فلازم تستخدم برنامج اسمه
SELEQ


وهذا رابط البرنامج :

http://www.ksayes.com/store/FixSeleQ.zip

وطريقة حذف الصور المحذوفة من ذاكرة الجهاز باتباع الخطوات التالية
طبعا افتح البرنامج في نفس الجهاز واتبع الخطوات التالية
C/Nokia/Images/_PAlbTN
وتطلع لك ملفات الصور اذا حبيت تشوف الصور قبل تحذفها
تروح لاي ملف من الملفات اللي طلعت لك وتضغط (اوبشن) بعدين (فايل) ثم ( فيو) وبس

وانشالله اني ماطولت عليكم وان كاني طولت عليكم فهذا لحرصي عليكم وعلى اسراركم
ولاي مشاكل او حلول استعادة الملفات انا ماعندي مشكله في اي وقت ارسل استفسارك
وفمان الله وبالتوفيق وتذكروا دايم الاحتياط واجب

[ولد الشيخ]

اقتباس من ولد الشيخ
السلام عليكم

كيف الحال ؟؟

انا احي اخوي فهد على اهتمامه

ولاكن هاذا الطريقه والله واحد من الشباب سوها قدام في المحل حقه

وانا عندي جوال الباندا 6600 وبعدين هو اعطاني البرنامي الي يرجع الصور

وقلي اذا تبي تبيعه ارسل هاذا البرنام على جوالك وبعدين افتح الجوال بتطلعلك الصور الي انت مسحتها وفي خطوات تسويها وبعدين تحدد الصور الي تبيها وتمسحها نهئيا ولا احد يقدر يرجعها لو كان دكتور جوالات مو مهندس وانا الحين باعطيكم الرابط عشان الي عنده جوالي يسوي الخطوات هاذي وانشاء الله تمسح ولا يخاف اذا باع الجوال ولا راح سواله سفت وير

وهاذا الموضوع الي جاني على الايميل وشكرااااااااااااااااا

ولا تنسونا من الدعاء وجزاكم الله الف خير

-------------------------------------------------------------------------

السلام عليكم ورحمة الله وبركاته

اليوم و انا اتصفح في مواقع الانترنت لقيت منتدى فيه حل لمشكلة الصور المخزنه في الجوال

عشان حقين المحلات ما يرجعون الصور

يعني حذف نهائي

اول شيء حملوا هالبرنامج

http://www.ksayes.com/store/FixSeleQ.zip

اضغط عليه ضغط مو
save target as
لانه ما يفتح اذا ضغطت على
save target as
(بزر اليمين بالفارة)

==================================

بسم الله الرحمن الرحيم
السلام عليكم ورحمة الله وبركاته


كيفكم ياحـلوين


اخواني طبعا انتم سمعتوا عن مشكلة استعادة الصور اللي صايرة في

NOKIA 6600

طبعا يتم استعادة الملفات المحذوفة في اي جهاز كمبيوتر او هارد ديسك خارجي
مثل مانتوا عارفين في اجهزة الحاسب الالي سواء البي سي او اللاب توب
طبعا هذي اخطر من جهاز الجوال لانها ممكن تكون ملفات اكثر واهم من اللي
في الموبايل

عموما ما اطول عليكم انا جبت لكم طريقتين تفيدكم من ناحية عدم الخوف
من الصور اللي صورتوها في جوالاتكم

الطريقة الاولى

اذا كنت استخدمت التصوير وحفظت الصور على الميموري كارد
ومتاكد انك ماحفظت ولا صورة على ذاكرة الجهاز فانت الحين
ماعندك مشاكل وكل اسرارك في الميموري كارد واذا جيت تسوي
صيانة على جوالك خلي الميموري كارد معك ولا راح يصير شئ

الطريقة الثانية

اذا كنت استخدمت التصوير وحفظت الصور على ذاكرة الجهاز
هنا المشكله فلازم تستخدم برنامج اسمه
SELEQ


وهذا رابط البرنامج :

http://www.ksayes.com/store/FixSeleQ.zip

وطريقة حذف الصور المحذوفة من ذاكرة الجهاز باتباع الخطوات التالية
طبعا افتح البرنامج في نفس الجهاز واتبع الخطوات التالية
C/Nokia/Images/_PAlbTN
وتطلع لك ملفات الصور اذا حبيت تشوف الصور قبل تحذفها
تروح لاي ملف من الملفات اللي طلعت لك وتضغط (اوبشن) بعدين (فايل) ثم ( فيو) وبس

وانشالله اني ماطولت عليكم وان كاني طولت عليكم فهذا لحرصي عليكم وعلى اسراركم
ولاي مشاكل او حلول استعادة الملفات انا ماعندي مشكله في اي وقت ارسل استفسارك
وفمان الله وبالتوفيق وتذكروا دايم الاحتياط واجب

[فهد آل مجثل]

أشكر كل من شارك في الموضوع وعلق عليه